Gefundene Einträge
Buch | Kapitel | Vers | Text |
1 Mose | 1 | 1 | א בראשית ברא אלהים את השמים ואת הארץ |
1 Mose | 1 | 2 | ב והארץ היתה תהו ובהו וחשך על פני תהום ורוח אלהים מרחפת על פני המים |
1 Mose | 1 | 3 | ג ויאמר אלהים יהי אור ויהי אור |
1 Mose | 1 | 4 | ד וירא אלהים את האור כי טוב ויבדל אלהים בין האור ובין החשך |
1 Mose | 1 | 5 | ה ויקרא אלהים לאור יום ולחשך קרא לילה ויהי ערב ויהי בקר יום אחד {פ} |
1 Mose | 1 | 6 | ו ויאמר אלהים יהי רקיע בתוך המים ויהי מבדיל בין מים למים |
1 Mose | 1 | 7 | ז ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן |
1 Mose | 1 | 8 | ח ויקרא אלהים לרקיע שמים ויהי ערב ויהי בקר יום שני {פ} |
1 Mose | 1 | 9 | ט ויאמר אלהים יקוו המים מתחת השמים אל מקום אחד ותראה היבשה ויהי כן |
1 Mose | 1 | 10 | י ויקרא אלהים ליבשה ארץ ולמקוה המים קרא ימים וירא אלהים כי טוב |
1 Mose | 1 | 11 | יא ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן |
1 Mose | 1 | 12 | יב ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב |
1 Mose | 1 | 13 | יג ויהי ערב ויהי בקר יום שלישי {פ} |
1 Mose | 1 | 14 | יד ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים |
1 Mose | 1 | 15 | טו והיו למאורת ברקיע השמים להאיר על הארץ ויהי כן |