Gefundene Einträge
| Buch | Kapitel | Vers | Text |
| 1 Mose | 19 | 4 | ד טרם ישכבו ואנשי העיר אנשי סדם נסבו על הבית מנער ועד זקן כל העם מקצה |
| 1 Mose | 19 | 5 | ה ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתם |
| 1 Mose | 19 | 6 | ו ויצא אלהם לוט הפתחה והדלת סגר אחריו |
| 1 Mose | 19 | 8 | ח הנה נא לי שתי בנות אשר לא ידעו איש--אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי |
| 1 Mose | 19 | 9 | ט ויאמרו גש הלאה ויאמרו האחד בא לגור וישפט שפוט--עתה נרע לך מהם ויפצרו באיש בלוט מאד ויגשו לשבר הדלת |
| 1 Mose | 19 | 10 | י וישלחו האנשים את ידם ויביאו את לוט אליהם הביתה ואת הדלת סגרו |
| 1 Mose | 19 | 11 | יא ואת האנשים אשר פתח הבית הכו בסנורים מקטן ועד גדול וילאו למצא הפתח |
| 1 Mose | 19 | 12 | יב ויאמרו האנשים אל לוט עד מי לך פה--חתן ובניך ובנתיך וכל אשר לך בעיר הוצא מן המקום |
| 1 Mose | 19 | 14 | יד ויצא לוט וידבר אל חתניו לקחי בנתיו ויאמר קומו צאו מן המקום הזה כי משחית יהוה את העיר ויהי כמצחק בעיני חתניו |
| 1 Mose | 19 | 15 | טו וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת--פן תספה בעון העיר |
| 1 Mose | 19 | 16 | טז ויתמהמה--ויחזיקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעיר |
| 1 Mose | 19 | 17 | יז ויהי כהוציאם אתם החוצה ויאמר המלט על נפשך--אל תביט אחריך ואל תעמד בכל הככר ההרה המלט פן תספה |
| 1 Mose | 19 | 18 | יח ויאמר לוט אלהם אל נא אדני |
| 1 Mose | 19 | 19 | יט הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה--פן תדבקני הרעה ומתי |
| 1 Mose | 19 | 20 | כ הנה נא העיר הזאת קרבה לנוס שמה--והוא מצער אמלטה נא שמה הלא מצער הוא--ותחי נפשי |