Gefundene Einträge
| Buch | Kapitel | Vers | Text |
| 1 Mose | 7 | 23 | כג וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבה |
| 1 Mose | 7 | 24 | כד ויגברו המים על הארץ חמשים ומאת יום |
| 1 Mose | 8 | 1 | א ויזכר אלהים את נח ואת כל החיה ואת כל הבהמה אשר אתו בתבה ויעבר אלהים רוח על הארץ וישכו המים |
| 1 Mose | 8 | 2 | ב ויסכרו מעינת תהום וארבת השמים ויכלא הגשם מן השמים |
| 1 Mose | 8 | 3 | ג וישבו המים מעל הארץ הלוך ושוב ויחסרו המים--מקצה חמשים ומאת יום |
| 1 Mose | 8 | 4 | ד ותנח התבה בחדש השביעי בשבעה עשר יום לחדש על הרי אררט |
| 1 Mose | 8 | 5 | ה והמים היו הלוך וחסור עד החדש העשירי בעשירי באחד לחדש נראו ראשי ההרים |
| 1 Mose | 8 | 6 | ו ויהי מקץ ארבעים יום ויפתח נח את חלון התבה אשר עשה |
| 1 Mose | 8 | 7 | ז וישלח את הערב ויצא יצוא ושוב עד יבשת המים מעל הארץ |
| 1 Mose | 8 | 8 | ח וישלח את היונה מאתו--לראות הקלו המים מעל פני האדמה |
| 1 Mose | 8 | 9 | ט ולא מצאה היונה מנוח לכף רגלה ותשב אליו אל התבה--כי מים על פני כל הארץ וישלח ידו ויקחה ויבא אתה אליו אל התבה |
| 1 Mose | 8 | 10 | י ויחל עוד שבעת ימים אחרים ויסף שלח את היונה מן התבה |
| 1 Mose | 8 | 11 | יא ותבא אליו היונה לעת ערב והנה עלה זית טרף בפיה וידע נח כי קלו המים מעל הארץ |
| 1 Mose | 8 | 12 | יב וייחל עוד שבעת ימים אחרים וישלח את היונה ולא יספה שוב אליו עוד |
| 1 Mose | 8 | 13 | יג ויהי באחת ושש מאות שנה בראשון באחד לחדש חרבו המים מעל הארץ ויסר נח את מכסה התבה וירא והנה חרבו פני האדמה |