Gefundene Einträge
| Buch | Kapitel | Vers | Text |
| 1 Samuel | 18 | 11 | יא ויטל שאול את החנית ויאמר אכה בדוד ובקיר ויסב דוד מפניו פעמים |
| 1 Samuel | 18 | 12 | יב וירא שאול מלפני דוד כי היה יהוה עמו ומעם שאול סר |
| 1 Samuel | 18 | 13 | יג ויסרהו שאול מעמו וישמהו לו שר אלף ויצא ויבא לפני העם {ס} |
| 1 Samuel | 18 | 15 | טו וירא שאול אשר הוא משכיל מאד ויגר מפניו |
| 1 Samuel | 18 | 17 | יז ויאמר שאול אל דוד הנה בתי הגדולה מרב אתה אתן לך לאשה--אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים {ס} |
| 1 Samuel | 18 | 18 | יח ויאמר דוד אל שאול מי אנכי ומי חיי משפחת אבי בישראל--כי אהיה חתן למלך |
| 1 Samuel | 18 | 19 | יט ויהי בעת תת את מרב בת שאול--לדוד והיא נתנה לעדריאל המחלתי לאשה |
| 1 Samuel | 18 | 20 | כ ותאהב מיכל בת שאול את דוד ויגדו לשאול וישר הדבר בעיניו |
| 1 Samuel | 18 | 21 | כא ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום |
| 1 Samuel | 18 | 22 | כב ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך |
| 1 Samuel | 18 | 23 | כג וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה |
| 1 Samuel | 18 | 24 | כד ויגדו עבדי שאול לו--לאמר כדברים האלה דבר דוד |
| 1 Samuel | 18 | 25 | כה ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים |
| 1 Samuel | 18 | 27 | כז ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה {ס} |
| 1 Samuel | 18 | 28 | כח וירא שאול וידע כי יהוה עם דוד ומיכל בת שאול אהבתהו |