Gefundene Einträge
| Buch | Kapitel | Vers | Text |
| 1 Mose | 6 | 17 | יז ואני הנני מביא את המבול מים על הארץ לשחת כל בשר אשר בו רוח חיים מתחת השמים כל אשר בארץ יגוע |
| 1 Mose | 6 | 18 | יח והקמתי את בריתי אתך ובאת אל התבה--אתה ובניך ואשתך ונשי בניך אתך |
| 1 Mose | 6 | 19 | יט ומכל החי מכל בשר שנים מכל תביא אל התבה--להחית אתך זכר ונקבה יהיו |
| 1 Mose | 6 | 20 | כ מהעוף למינהו ומן הבהמה למינה מכל רמש האדמה למינהו--שנים מכל יבאו אליך להחיות |
| 1 Mose | 6 | 21 | כא ואתה קח לך מכל מאכל אשר יאכל ואספת אליך והיה לך ולהם לאכלה |
| 1 Mose | 6 | 22 | כב ויעש נח ככל אשר צוה אתו אלהים--כן עשה |
| 1 Mose | 7 | 1 | א ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה |
| 1 Mose | 7 | 2 | ב מכל הבהמה הטהורה תקח לך שבעה שבעה--איש ואשתו ומן הבהמה אשר לא טהרה הוא שנים--איש ואשתו |
| 1 Mose | 7 | 3 | ג גם מעוף השמים שבעה שבעה זכר ונקבה לחיות זרע על פני כל הארץ |
| 1 Mose | 7 | 4 | ד כי לימים עוד שבעה אנכי ממטיר על הארץ ארבעים יום וארבעים לילה ומחיתי את כל היקום אשר עשיתי מעל פני האדמה |
| 1 Mose | 7 | 5 | ה ויעש נח ככל אשר צוהו יהוה |
| 1 Mose | 7 | 6 | ו ונח בן שש מאות שנה והמבול היה מים על הארץ |
| 1 Mose | 7 | 7 | ז ויבא נח ובניו ואשתו ונשי בניו אתו--אל התבה מפני מי המבול |
| 1 Mose | 7 | 8 | ח מן הבהמה הטהורה ומן הבהמה אשר איננה טהרה ומן העוף--וכל אשר רמש על האדמה |
| 1 Mose | 7 | 9 | ט שנים שנים באו אל נח אל התבה--זכר ונקבה כאשר צוה אלהים את נח |