Gefundene Einträge
Buch | Kapitel | Vers | Text |
1 Mose | 6 | 15 | טו וזה אשר תעשה אתה שלש מאות אמה ארך התבה חמשים אמה רחבה ושלשים אמה קומתה |
1 Mose | 6 | 16 | טז צהר תעשה לתבה ואל אמה תכלנה מלמעלה ופתח התבה בצדה תשים תחתים שנים ושלשים תעשה |
1 Mose | 6 | 17 | יז ואני הנני מביא את המבול מים על הארץ לשחת כל בשר אשר בו רוח חיים מתחת השמים כל אשר בארץ יגוע |
1 Mose | 6 | 18 | יח והקמתי את בריתי אתך ובאת אל התבה--אתה ובניך ואשתך ונשי בניך אתך |
1 Mose | 6 | 19 | יט ומכל החי מכל בשר שנים מכל תביא אל התבה--להחית אתך זכר ונקבה יהיו |
1 Mose | 6 | 20 | כ מהעוף למינהו ומן הבהמה למינה מכל רמש האדמה למינהו--שנים מכל יבאו אליך להחיות |
1 Mose | 6 | 21 | כא ואתה קח לך מכל מאכל אשר יאכל ואספת אליך והיה לך ולהם לאכלה |
1 Mose | 6 | 22 | כב ויעש נח ככל אשר צוה אתו אלהים--כן עשה |
1 Mose | 7 | 1 | א ויאמר יהוה לנח בא אתה וכל ביתך אל התבה כי אתך ראיתי צדיק לפני בדור הזה |
1 Mose | 7 | 2 | ב מכל הבהמה הטהורה תקח לך שבעה שבעה--איש ואשתו ומן הבהמה אשר לא טהרה הוא שנים--איש ואשתו |
1 Mose | 7 | 3 | ג גם מעוף השמים שבעה שבעה זכר ונקבה לחיות זרע על פני כל הארץ |
1 Mose | 7 | 4 | ד כי לימים עוד שבעה אנכי ממטיר על הארץ ארבעים יום וארבעים לילה ומחיתי את כל היקום אשר עשיתי מעל פני האדמה |
1 Mose | 7 | 5 | ה ויעש נח ככל אשר צוהו יהוה |
1 Mose | 7 | 6 | ו ונח בן שש מאות שנה והמבול היה מים על הארץ |
1 Mose | 7 | 7 | ז ויבא נח ובניו ואשתו ונשי בניו אתו--אל התבה מפני מי המבול |