Gefundene Einträge
| Buch | Kapitel | Vers | Text |
| 1 Mose | 8 | 14 | יד ובחדש השני בשבעה ועשרים יום לחדש--יבשה הארץ {ס} |
| 1 Mose | 8 | 15 | טו וידבר אלהים אל נח לאמר |
| 1 Mose | 8 | 16 | טז צא מן התבה--אתה ואשתך ובניך ונשי בניך אתך |
| 1 Mose | 8 | 17 | יז כל החיה אשר אתך מכל בשר בעוף ובבהמה ובכל הרמש הרמש על הארץ--הוצא (היצא) אתך ושרצו בארץ ופרו ורבו על הארץ |
| 1 Mose | 8 | 19 | יט כל החיה כל הרמש וכל העוף כל רומש על הארץ--למשפחתיהם יצאו מן התבה |
| 1 Mose | 8 | 20 | כ ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח |
| 1 Mose | 8 | 21 | כא וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשר עשיתי |
| 1 Mose | 8 | 22 | כב עד כל ימי הארץ זרע וקציר וקר וחם וקיץ וחרף ויום ולילה--לא ישבתו |
| 1 Mose | 9 | 1 | א ויברך אלהים את נח ואת בניו ויאמר להם פרו ורבו ומלאו את הארץ |
| 1 Mose | 9 | 2 | ב ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו |
| 1 Mose | 9 | 3 | ג כל רמש אשר הוא חי לכם יהיה לאכלה כירק עשב נתתי לכם את כל |
| 1 Mose | 9 | 5 | ה ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו--אדרש את נפש האדם |
| 1 Mose | 9 | 6 | ו שפך דם האדם באדם דמו ישפך כי בצלם אלהים עשה את האדם |
| 1 Mose | 9 | 7 | ז ואתם פרו ורבו שרצו בארץ ורבו בה {ס} |
| 1 Mose | 9 | 8 | ח ויאמר אלהים אל נח ואל בניו אתו לאמר |