Gefundene Einträge
| Buch | Kapitel | Vers | Text |
| 1 Mose | 9 | 15 | טו וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר |
| 1 Mose | 9 | 16 | טז והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ |
| 1 Mose | 9 | 17 | יז ויאמר אלהים אל נח זאת אות הברית אשר הקמתי ביני ובין כל בשר אשר על הארץ {פ} |
| 1 Mose | 9 | 18 | יח ויהיו בני נח היצאים מן התבה--שם וחם ויפת וחם הוא אבי כנען |
| 1 Mose | 9 | 19 | יט שלשה אלה בני נח ומאלה נפצה כל הארץ |
| 1 Mose | 9 | 20 | כ ויחל נח איש האדמה ויטע כרם |
| 1 Mose | 9 | 21 | כא וישת מן היין וישכר ויתגל בתוך אהלה |
| 1 Mose | 9 | 22 | כב וירא חם אבי כנען את ערות אביו ויגד לשני אחיו בחוץ |
| 1 Mose | 9 | 23 | כג ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו |
| 1 Mose | 9 | 24 | כד וייקץ נח מיינו וידע את אשר עשה לו בנו הקטן |
| 1 Mose | 9 | 26 | כו ויאמר ברוך יהוה אלהי שם ויהי כנען עבד למו |
| 1 Mose | 9 | 27 | כז יפת אלהים ליפת וישכן באהלי שם ויהי כנען עבד למו |
| 1 Mose | 9 | 28 | כח ויחי נח אחר המבול שלש מאות שנה וחמשים שנה |
| 1 Mose | 9 | 29 | כט ויהיו כל ימי נח תשע מאות שנה וחמשים שנה וימת {פ} |
| 1 Mose | 10 | 1 | א ואלה תולדת בני נח שם חם ויפת ויולדו להם בנים אחר המבול |