Gefundene Einträge
| Buch | Kapitel | Vers | Text |
| 1 Samuel | 23 | 15 | טו וירא דוד כי יצא שאול לבקש את נפשו ודוד במדבר זיף בחרשה {ס} |
| 1 Samuel | 23 | 16 | טז ויקם יהונתן בן שאול וילך אל דוד חרשה ויחזק את ידו באלהים |
| 1 Samuel | 23 | 17 | יז ויאמר אליו אל תירא כי לא תמצאך יד שאול אבי ואתה תמלך על ישראל ואנכי אהיה לך למשנה וגם שאול אבי ידע כן |
| 1 Samuel | 23 | 19 | יט ויעלו זפים אל שאול הגבעתה לאמר הלוא דוד מסתתר עמנו במצדות בחרשה--בגבעת החכילה אשר מימין הישימון |
| 1 Samuel | 23 | 21 | כא ויאמר שאול ברוכים אתם ליהוה כי חמלתם עלי |
| 1 Samuel | 23 | 24 | כד ויקומו וילכו זיפה לפני שאול ודוד ואנשיו במדבר מעון בערבה--אל ימין הישימון |
| 1 Samuel | 23 | 25 | כה וילך שאול ואנשיו לבקש ויגדו לדוד וירד הסלע וישב במדבר מעון וישמע שאול וירדף אחרי דוד מדבר מעון |
| 1 Samuel | 23 | 26 | כו וילך שאול מצד ההר מזה ודוד ואנשיו מצד ההר מזה ויהי דוד נחפז ללכת מפני שאול ושאול ואנשיו עטרים אל דוד ואל אנשיו לתפשם |
| 1 Samuel | 23 | 27 | כז ומלאך בא אל שאול לאמר מהרה ולכה כי פשטו פלשתים על הארץ |
| 1 Samuel | 23 | 28 | כח וישב שאול מרדף אחרי דוד וילך לקראת פלשתים על כן קראו למקום ההוא סלע המחלקות |
| 1 Samuel | 24 | 1 | א ויהי כאשר שב שאול מאחרי פלשתים ויגדו לו לאמר הנה דוד במדבר עין גדי {ס} |
| 1 Samuel | 24 | 2 | ב ויקח שאול שלשת אלפים איש בחור--מכל ישראל וילך לבקש את דוד ואנשיו על פני צורי היעלים |
| 1 Samuel | 24 | 3 | ג ויבא אל גדרות הצאן על הדרך ושם מערה ויבא שאול להסך את רגליו ודוד ואנשיו בירכתי המערה ישבים |
| 1 Samuel | 24 | 4 | ד ויאמרו אנשי דוד אליו הנה היום אשר אמר יהוה אליך הנה אנכי נתן את איביך (איבך) בידך ועשית לו כאשר יטב בעיניך ויקם דוד ויכרת את כנף המעיל אשר לשאול--בלט |
| 1 Samuel | 24 | 5 | ה ויהי אחרי כן ויך לב דוד אתו--על אשר כרת את כנף אשר לשאול |