Gefundene Einträge
| Buch | Kapitel | Vers | Text |
| 1 Mose | 9 | 10 | י ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ |
| 1 Mose | 9 | 11 | יא והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ |
| 1 Mose | 9 | 12 | יב ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם--לדרת עולם |
| 1 Mose | 9 | 13 | יג את קשתי נתתי בענן והיתה לאות ברית ביני ובין הארץ |
| 1 Mose | 9 | 14 | יד והיה בענני ענן על הארץ ונראתה הקשת בענן |
| 1 Mose | 9 | 15 | טו וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר |
| 1 Mose | 9 | 16 | טז והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ |
| 1 Mose | 9 | 17 | יז ויאמר אלהים אל נח זאת אות הברית אשר הקמתי ביני ובין כל בשר אשר על הארץ {פ} |
| 1 Mose | 9 | 18 | יח ויהיו בני נח היצאים מן התבה--שם וחם ויפת וחם הוא אבי כנען |
| 1 Mose | 9 | 19 | יט שלשה אלה בני נח ומאלה נפצה כל הארץ |
| 1 Mose | 9 | 20 | כ ויחל נח איש האדמה ויטע כרם |
| 1 Mose | 9 | 21 | כא וישת מן היין וישכר ויתגל בתוך אהלה |
| 1 Mose | 9 | 22 | כב וירא חם אבי כנען את ערות אביו ויגד לשני אחיו בחוץ |
| 1 Mose | 9 | 23 | כג ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו |
| 1 Mose | 9 | 24 | כד וייקץ נח מיינו וידע את אשר עשה לו בנו הקטן |