Gefundene Einträge
| Buch | Kapitel | Vers | Text |
| 1 Mose | 11 | 3 | ג ויאמרו איש אל רעהו הבה נלבנה לבנים ונשרפה לשרפה ותהי להם הלבנה לאבן והחמר היה להם לחמר |
| 1 Mose | 11 | 4 | ד ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץ |
| 1 Mose | 11 | 5 | ה וירד יהוה לראת את העיר ואת המגדל אשר בנו בני האדם |
| 1 Mose | 11 | 6 | ו ויאמר יהוה הן עם אחד ושפה אחת לכלם וזה החלם לעשות ועתה לא יבצר מהם כל אשר יזמו לעשות |
| 1 Mose | 11 | 7 | ז הבה נרדה ונבלה שם שפתם--אשר לא ישמעו איש שפת רעהו |
| 1 Mose | 11 | 8 | ח ויפץ יהוה אתם משם על פני כל הארץ ויחדלו לבנת העיר |
| 1 Mose | 11 | 9 | ט על כן קרא שמה בבל כי שם בלל יהוה שפת כל הארץ ומשם הפיצם יהוה על פני כל הארץ {פ} |
| 1 Mose | 11 | 10 | י אלה תולדת שם--שם בן מאת שנה ויולד את ארפכשד שנתים אחר המבול |
| 1 Mose | 11 | 11 | יא ויחי שם אחרי הולידו את ארפכשד חמש מאות שנה ויולד בנים ובנות {ס} |
| 1 Mose | 11 | 12 | יב וארפכשד חי חמש ושלשים שנה ויולד את שלח |
| 1 Mose | 11 | 13 | יג ויחי ארפכשד אחרי הולידו את שלח שלש שנים וארבע מאות שנה ויולד בנים ובנות {ס} |
| 1 Mose | 11 | 14 | יד ושלח חי שלשים שנה ויולד את עבר |
| 1 Mose | 11 | 15 | טו ויחי שלח אחרי הולידו את עבר שלש שנים וארבע מאות שנה ויולד בנים ובנות {ס} |
| 1 Mose | 11 | 16 | טז ויחי עבר ארבע ושלשים שנה ויולד את פלג |
| 1 Mose | 11 | 17 | יז ויחי עבר אחרי הולידו את פלג שלשים שנה וארבע מאות שנה ויולד בנים ובנות {ס} |