Gefundene Einträge
| Buch | Kapitel | Vers | Text |
| 1 Mose | 10 | 28 | כח ואת עובל ואת אבימאל ואת שבא |
| 1 Mose | 10 | 29 | כט ואת אופר ואת חוילה ואת יובב כל אלה בני יקטן |
| 1 Mose | 10 | 30 | ל ויהי מושבם ממשא באכה ספרה הר הקדם |
| 1 Mose | 10 | 31 | לא אלה בני שם למשפחתם ללשנתם בארצתם לגויהם |
| 1 Mose | 10 | 32 | לב אלה משפחת בני נח לתולדתם בגויהם ומאלה נפרדו הגוים בארץ--אחר המבול {פ} |
| 1 Mose | 11 | 1 | א ויהי כל הארץ שפה אחת ודברים אחדים |
| 1 Mose | 11 | 2 | ב ויהי בנסעם מקדם וימצאו בקעה בארץ שנער וישבו שם |
| 1 Mose | 11 | 3 | ג ויאמרו איש אל רעהו הבה נלבנה לבנים ונשרפה לשרפה ותהי להם הלבנה לאבן והחמר היה להם לחמר |
| 1 Mose | 11 | 4 | ד ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץ |
| 1 Mose | 11 | 5 | ה וירד יהוה לראת את העיר ואת המגדל אשר בנו בני האדם |
| 1 Mose | 11 | 6 | ו ויאמר יהוה הן עם אחד ושפה אחת לכלם וזה החלם לעשות ועתה לא יבצר מהם כל אשר יזמו לעשות |
| 1 Mose | 11 | 7 | ז הבה נרדה ונבלה שם שפתם--אשר לא ישמעו איש שפת רעהו |
| 1 Mose | 11 | 8 | ח ויפץ יהוה אתם משם על פני כל הארץ ויחדלו לבנת העיר |
| 1 Mose | 11 | 9 | ט על כן קרא שמה בבל כי שם בלל יהוה שפת כל הארץ ומשם הפיצם יהוה על פני כל הארץ {פ} |
| 1 Mose | 11 | 10 | י אלה תולדת שם--שם בן מאת שנה ויולד את ארפכשד שנתים אחר המבול |