Gefundene Einträge
Buch | Kapitel | Vers | Text |
1 Mose | 1 | 17 | יז ויתן אתם אלהים ברקיע השמים להאיר על הארץ |
1 Mose | 1 | 18 | יח ולמשל ביום ובלילה ולהבדיל בין האור ובין החשך וירא אלהים כי טוב |
1 Mose | 1 | 19 | יט ויהי ערב ויהי בקר יום רביעי {פ} |
1 Mose | 1 | 21 | כא ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב |
1 Mose | 1 | 22 | כב ויברך אתם אלהים לאמר פרו ורבו ומלאו את המים בימים והעוף ירב בארץ |
1 Mose | 1 | 23 | כג ויהי ערב ויהי בקר יום חמישי {פ} |
1 Mose | 1 | 24 | כד ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כן |
1 Mose | 1 | 25 | כה ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טוב |
1 Mose | 1 | 26 | כו ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ |
1 Mose | 1 | 27 | כז ויברא אלהים את האדם בצלמו בצלם אלהים ברא אתו זכר ונקבה ברא אתם |
1 Mose | 1 | 28 | כח ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ |
1 Mose | 1 | 29 | כט ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלה |
1 Mose | 1 | 30 | ל ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כן |
1 Mose | 1 | 31 | לא וירא אלהים את כל אשר עשה והנה טוב מאד ויהי ערב ויהי בקר יום הששי {פ} |
1 Mose | 2 | 1 | א ויכלו השמים והארץ וכל צבאם |