Gefundene Einträge
| Buch | Kapitel | Vers | Text |
| 1 Mose | 1 | 18 | יח ולמשל ביום ובלילה ולהבדיל בין האור ובין החשך וירא אלהים כי טוב |
| 1 Mose | 1 | 20 | כ ויאמר אלהים--ישרצו המים שרץ נפש חיה ועוף יעופף על הארץ על פני רקיע השמים |
| 1 Mose | 1 | 21 | כא ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב |
| 1 Mose | 1 | 23 | כג ויהי ערב ויהי בקר יום חמישי {פ} |
| 1 Mose | 1 | 24 | כד ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כן |
| 1 Mose | 1 | 25 | כה ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טוב |
| 1 Mose | 1 | 26 | כו ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ |
| 1 Mose | 1 | 28 | כח ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ |
| 1 Mose | 1 | 29 | כט ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלה |
| 1 Mose | 1 | 30 | ל ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כן |
| 1 Mose | 1 | 31 | לא וירא אלהים את כל אשר עשה והנה טוב מאד ויהי ערב ויהי בקר יום הששי {פ} |
| 1 Mose | 2 | 1 | א ויכלו השמים והארץ וכל צבאם |
| 1 Mose | 2 | 2 | ב ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה |
| 1 Mose | 2 | 3 | ג ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות {פ} |
| 1 Mose | 2 | 4 | ד אלה תולדות השמים והארץ בהבראם ביום עשות יהוה אלהים--ארץ ושמים |