Gefundene Einträge
| Buch | Kapitel | Vers | Text |
| 1 Mose | 11 | 26 | כו ויחי תרח שבעים שנה ויולד את אברם את נחור ואת הרן |
| 1 Mose | 11 | 27 | כז ואלה תולדת תרח--תרח הוליד את אברם את נחור ואת הרן והרן הוליד את לוט |
| 1 Mose | 11 | 28 | כח וימת הרן על פני תרח אביו בארץ מולדתו באור כשדים |
| 1 Mose | 11 | 29 | כט ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה |
| 1 Mose | 11 | 30 | ל ותהי שרי עקרה אין לה ולד |
| 1 Mose | 11 | 31 | לא ויקח תרח את אברם בנו ואת לוט בן הרן בן בנו ואת שרי כלתו אשת אברם בנו ויצאו אתם מאור כשדים ללכת ארצה כנען ויבאו עד חרן וישבו שם |
| 1 Mose | 11 | 32 | לב ויהיו ימי תרח חמש שנים ומאתים שנה וימת תרח בחרן {פ} |
| 1 Mose | 12 | 1 | א ויאמר יהוה אל אברם לך לך מארצך וממולדתך ומבית אביך אל הארץ אשר אראך |
| 1 Mose | 12 | 2 | ב ואעשך לגוי גדול ואברכך ואגדלה שמך והיה ברכה |
| 1 Mose | 12 | 3 | ג ואברכה מברכיך ומקללך אאר ונברכו בך כל משפחת האדמה |
| 1 Mose | 12 | 4 | ד וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן |
| 1 Mose | 12 | 5 | ה ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען |
| 1 Mose | 12 | 6 | ו ויעבר אברם בארץ עד מקום שכם עד אלון מורה והכנעני אז בארץ |
| 1 Mose | 12 | 7 | ז וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו |
| 1 Mose | 12 | 8 | ח ויעתק משם ההרה מקדם לבית אל--ויט אהלה בית אל מים והעי מקדם ויבן שם מזבח ליהוה ויקרא בשם יהוה |