Gefundene Einträge
| Buch | Kapitel | Vers | Text |
| 1 Mose | 12 | 9 | ט ויסע אברם הלוך ונסוע הנגבה {פ} |
| 1 Mose | 12 | 10 | י ויהי רעב בארץ וירד אברם מצרימה לגור שם כי כבד הרעב בארץ |
| 1 Mose | 12 | 11 | יא ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את |
| 1 Mose | 12 | 12 | יב והיה כי יראו אתך המצרים ואמרו אשתו זאת והרגו אתי ואתך יחיו |
| 1 Mose | 12 | 13 | יג אמרי נא אחתי את--למען ייטב לי בעבורך וחיתה נפשי בגללך |
| 1 Mose | 12 | 14 | יד ויהי כבוא אברם מצרימה ויראו המצרים את האשה כי יפה הוא מאד |
| 1 Mose | 12 | 15 | טו ויראו אתה שרי פרעה ויהללו אתה אל פרעה ותקח האשה בית פרעה |
| 1 Mose | 12 | 16 | טז ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים |
| 1 Mose | 12 | 17 | יז וינגע יהוה את פרעה נגעים גדלים ואת ביתו על דבר שרי אשת אברם |
| 1 Mose | 12 | 18 | יח ויקרא פרעה לאברם ויאמר מה זאת עשית לי למה לא הגדת לי כי אשתך הוא |
| 1 Mose | 12 | 19 | יט למה אמרת אחתי הוא ואקח אתה לי לאשה ועתה הנה אשתך קח ולך |
| 1 Mose | 12 | 20 | כ ויצו עליו פרעה אנשים וישלחו אתו ואת אשתו ואת כל אשר לו |
| 1 Mose | 13 | 1 | א ויעל אברם ממצרים הוא ואשתו וכל אשר לו ולוט עמו--הנגבה |
| 1 Mose | 13 | 2 | ב ואברם כבד מאד במקנה בכסף ובזהב |
| 1 Mose | 13 | 3 | ג וילך למסעיו מנגב ועד בית אל--עד המקום אשר היה שם אהלה בתחלה בין בית אל ובין העי |