Gefundene Einträge
Buch | Kapitel | Vers | Text |
3 Mose | 11 | 24 | כד ולאלה תטמאו כל הנגע בנבלתם יטמא עד הערב |
3 Mose | 11 | 25 | כה וכל הנשא מנבלתם--יכבס בגדיו וטמא עד הערב |
3 Mose | 11 | 26 | כו לכל הבהמה אשר הוא מפרסת פרסה ושסע איננה שסעת וגרה איננה מעלה--טמאים הם לכם כל הנגע בהם יטמא |
3 Mose | 11 | 27 | כז וכל הולך על כפיו בכל החיה ההלכת על ארבע--טמאים הם לכם כל הנגע בנבלתם יטמא עד הערב |
3 Mose | 11 | 28 | כח והנשא את נבלתם--יכבס בגדיו וטמא עד הערב טמאים המה לכם {ס} |
3 Mose | 11 | 29 | כט וזה לכם הטמא בשרץ השרץ על הארץ החלד והעכבר והצב למינהו |
3 Mose | 11 | 31 | לא אלה הטמאים לכם בכל השרץ כל הנגע בהם במתם יטמא עד הערב |
3 Mose | 11 | 32 | לב וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר |
3 Mose | 11 | 33 | לג וכל כלי חרש--אשר יפל מהם אל תוכו כל אשר בתוכו יטמא ואתו תשברו |
3 Mose | 11 | 34 | לד מכל האכל אשר יאכל אשר יבוא עליו מים--יטמא וכל משקה אשר ישתה בכל כלי יטמא |
3 Mose | 11 | 35 | לה וכל אשר יפל מנבלתם עליו יטמא--תנור וכירים יתץ טמאים הם וטמאים יהיו לכם |
3 Mose | 11 | 36 | לו אך מעין ובור מקוה מים יהיה טהור ונגע בנבלתם יטמא |
3 Mose | 11 | 38 | לח וכי יתן מים על זרע ונפל מנבלתם עליו--טמא הוא לכם {ס} |
3 Mose | 11 | 39 | לט וכי ימות מן הבהמה אשר היא לכם לאכלה--הנגע בנבלתה יטמא עד הערב |
3 Mose | 11 | 40 | מ והאכל מנבלתה--יכבס בגדיו וטמא עד הערב והנשא את נבלתה--יכבס בגדיו וטמא עד הערב |