Gefundene Einträge
![•••►](images/scroll_l.png)
![•••►](images/scroll_r.png)
Buch | Kapitel | Vers | Text |
Hiob | 4 | 19 | יט אף שכני בתי-חמר--אשר-בעפר יסודם ידכאום לפני-עש |
Hiob | 4 | 20 | כ מבקר לערב יכתו מבלי משים לנצח יאבדו |
Hiob | 4 | 21 | כא הלא-נסע יתרם בם ימותו ולא בחכמה |
Hiob | 5 | 1 | א קרא-נא היש עונך ואל-מי מקדשים תפנה |
Hiob | 5 | 2 | ב כי-לאויל יהרג-כעש ופתה תמית קנאה |
Hiob | 5 | 3 | ג אני-ראיתי אויל משריש ואקוב נוהו פתאם |
Hiob | 5 | 4 | ד ירחקו בניו מישע וידכאו בשער ואין מציל |
Hiob | 5 | 5 | ה אשר קצירו רעב יאכל--ואל-מצנים יקחהו ושאף צמים חילם |
Hiob | 5 | 6 | ו כי לא-יצא מעפר און ומאדמה לא-יצמח עמל |
Hiob | 5 | 7 | ז כי-אדם לעמל יולד ובני-רשף יגביהו עוף |
Hiob | 5 | 8 | ח אולם--אני אדרש אל-אל ואל-אלהים אשים דברתי |
Hiob | 5 | 9 | ט עשה גדלות ואין חקר נפלאות עד-אין מספר |
Hiob | 5 | 10 | י הנתן מטר על-פני-ארץ ושלח מים על-פני חוצות |
Hiob | 5 | 11 | יא לשום שפלים למרום וקדרים שגבו ישע |
Hiob | 5 | 12 | יב מפר מחשבות ערומים ולא-תעשנה ידיהם תשיה |