Gefundene Einträge
| Buch | Kapitel | Vers | Text |
| 1 Mose | 2 | 18 | יח ויאמר יהוה אלהים לא טוב היות האדם לבדו אעשה לו עזר כנגדו |
| 1 Mose | 2 | 19 | יט ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו |
| 1 Mose | 2 | 20 | כ ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו |
| 1 Mose | 2 | 21 | כא ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה |
| 1 Mose | 2 | 22 | כב ויבן יהוה אלהים את הצלע אשר לקח מן האדם לאשה ויבאה אל האדם |
| 1 Mose | 2 | 23 | כג ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת |
| 1 Mose | 2 | 24 | כד על כן יעזב איש את אביו ואת אמו ודבק באשתו והיו לבשר אחד |
| 1 Mose | 2 | 25 | כה ויהיו שניהם ערומים האדם ואשתו ולא יתבששו |
| 1 Mose | 3 | 1 | א והנחש היה ערום מכל חית השדה אשר עשה יהוה אלהים ויאמר אל האשה אף כי אמר אלהים לא תאכלו מכל עץ הגן |
| 1 Mose | 3 | 2 | ב ותאמר האשה אל הנחש מפרי עץ הגן נאכל |
| 1 Mose | 3 | 3 | ג ומפרי העץ אשר בתוך הגן--אמר אלהים לא תאכלו ממנו ולא תגעו בו פן תמתון |
| 1 Mose | 3 | 4 | ד ויאמר הנחש אל האשה לא מות תמתון |
| 1 Mose | 3 | 5 | ה כי ידע אלהים כי ביום אכלכם ממנו ונפקחו עיניכם והייתם כאלהים ידעי טוב ורע |
| 1 Mose | 3 | 6 | ו ותרא האשה כי טוב העץ למאכל וכי תאוה הוא לעינים ונחמד העץ להשכיל ותקח מפריו ותאכל ותתן גם לאישה עמה ויאכל |
| 1 Mose | 3 | 7 | ז ותפקחנה עיני שניהם וידעו כי עירמם הם ויתפרו עלה תאנה ויעשו להם חגרת |