Gefundene Einträge
| Buch | Kapitel | Vers | Text |
| 1 Mose | 3 | 8 | ח וישמעו את קול יהוה אלהים מתהלך בגן--לרוח היום ויתחבא האדם ואשתו מפני יהוה אלהים בתוך עץ הגן |
| 1 Mose | 3 | 9 | ט ויקרא יהוה אלהים אל האדם ויאמר לו איכה |
| 1 Mose | 3 | 10 | י ויאמר את קלך שמעתי בגן ואירא כי עירם אנכי ואחבא |
| 1 Mose | 3 | 11 | יא ויאמר--מי הגיד לך כי עירם אתה המן העץ אשר צויתיך לבלתי אכל ממנו--אכלת |
| 1 Mose | 3 | 12 | יב ויאמר האדם האשה אשר נתתה עמדי הוא נתנה לי מן העץ ואכל |
| 1 Mose | 3 | 13 | יג ויאמר יהוה אלהים לאשה מה זאת עשית ותאמר האשה הנחש השיאני ואכל |
| 1 Mose | 3 | 14 | יד ויאמר יהוה אלהים אל הנחש כי עשית זאת ארור אתה מכל הבהמה ומכל חית השדה על גחנך תלך ועפר תאכל כל ימי חייך |
| 1 Mose | 3 | 15 | טו ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב {ס} |
| 1 Mose | 3 | 16 | טז אל האשה אמר הרבה ארבה עצבונך והרנך--בעצב תלדי בנים ואל אישך תשוקתך והוא ימשל בך {ס} |
| 1 Mose | 3 | 17 | יז ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו--ארורה האדמה בעבורך בעצבון תאכלנה כל ימי חייך |
| 1 Mose | 3 | 18 | יח וקוץ ודרדר תצמיח לך ואכלת את עשב השדה |
| 1 Mose | 3 | 19 | יט בזעת אפיך תאכל לחם עד שובך אל האדמה כי ממנה לקחת כי עפר אתה ואל עפר תשוב |
| 1 Mose | 3 | 20 | כ ויקרא האדם שם אשתו חוה כי הוא היתה אם כל חי |
| 1 Mose | 3 | 21 | כא ויעש יהוה אלהים לאדם ולאשתו כתנות עור--וילבשם {פ} |
| 1 Mose | 3 | 22 | כב ויאמר יהוה אלהים הן האדם היה כאחד ממנו לדעת טוב ורע ועתה פן ישלח ידו ולקח גם מעץ החיים ואכל וחי לעלם |