Gefundene Einträge
Buch | Kapitel | Vers | Text |
1 Samuel | 18 | 3 | ג ויכרת יהונתן ודוד ברית באהבתו אתו כנפשו |
1 Samuel | 18 | 4 | ד ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרו |
1 Samuel | 18 | 5 | ה ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאול {פ} |
1 Samuel | 18 | 6 | ו ויהי בבואם בשוב דוד מהכות את הפלשתי ותצאנה הנשים מכל ערי ישראל לשור (לשיר) והמחלות לקראת שאול המלך--בתפים בשמחה ובשלשים |
1 Samuel | 18 | 7 | ז ותענינה הנשים המשחקות ותאמרן הכה שאול באלפו ודוד ברבבתיו |
1 Samuel | 18 | 8 | ח ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה |
1 Samuel | 18 | 9 | ט ויהי שאול עון (עוין) את דוד מהיום ההוא והלאה {ס} |
1 Samuel | 18 | 10 | י ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול |
1 Samuel | 18 | 11 | יא ויטל שאול את החנית ויאמר אכה בדוד ובקיר ויסב דוד מפניו פעמים |
1 Samuel | 18 | 12 | יב וירא שאול מלפני דוד כי היה יהוה עמו ומעם שאול סר |
1 Samuel | 18 | 14 | יד ויהי דוד לכל דרכו משכיל ויהוה עמו |
1 Samuel | 18 | 16 | טז וכל ישראל ויהודה אהב את דוד כי הוא יוצא ובא לפניהם {פ} |
1 Samuel | 18 | 17 | יז ויאמר שאול אל דוד הנה בתי הגדולה מרב אתה אתן לך לאשה--אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים {ס} |
1 Samuel | 18 | 18 | יח ויאמר דוד אל שאול מי אנכי ומי חיי משפחת אבי בישראל--כי אהיה חתן למלך |
1 Samuel | 18 | 19 | יט ויהי בעת תת את מרב בת שאול--לדוד והיא נתנה לעדריאל המחלתי לאשה |