Gefundene Einträge
| Buch | Kapitel | Vers | Text |
| 1 Samuel | 18 | 20 | כ ותאהב מיכל בת שאול את דוד ויגדו לשאול וישר הדבר בעיניו |
| 1 Samuel | 18 | 21 | כא ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום |
| 1 Samuel | 18 | 22 | כב ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך |
| 1 Samuel | 18 | 23 | כג וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה |
| 1 Samuel | 18 | 24 | כד ויגדו עבדי שאול לו--לאמר כדברים האלה דבר דוד |
| 1 Samuel | 18 | 25 | כה ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים |
| 1 Samuel | 18 | 26 | כו ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים |
| 1 Samuel | 18 | 27 | כז ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה {ס} |
| 1 Samuel | 18 | 28 | כח וירא שאול וידע כי יהוה עם דוד ומיכל בת שאול אהבתהו |
| 1 Samuel | 18 | 29 | כט ויאסף שאול לרא מפני דוד--עוד ויהי שאול איב את דוד כל הימים {פ} |
| 1 Samuel | 18 | 30 | ל ויצאו שרי פלשתים ויהי מדי צאתם שכל דוד מכל עבדי שאול וייקר שמו מאד {ס} |
| 1 Samuel | 19 | 1 | א וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד |
| 1 Samuel | 19 | 2 | ב ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת |
| 1 Samuel | 19 | 4 | ד וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד |
| 1 Samuel | 19 | 5 | ה וישם את נפשו בכפו ויך את הפלשתי ויעש יהוה תשועה גדולה לכל ישראל--ראית ותשמח ולמה תחטא בדם נקי להמית את דוד חנם |