Gefundene Einträge
Buch | Kapitel | Vers | Text |
1 Mose | 4 | 14 | יד הן גרשת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני |
1 Mose | 4 | 15 | טו ויאמר לו יהוה לכן כל הרג קין שבעתים יקם וישם יהוה לקין אות לבלתי הכות אתו כל מצאו |
1 Mose | 4 | 16 | טז ויצא קין מלפני יהוה וישב בארץ נוד קדמת עדן |
1 Mose | 4 | 17 | יז וידע קין את אשתו ותהר ותלד את חנוך ויהי בנה עיר ויקרא שם העיר כשם בנו חנוך |
1 Mose | 4 | 18 | יח ויולד לחנוך את עירד ועירד ילד את מחויאל ומחייאל ילד את מתושאל ומתושאל ילד את למך |
1 Mose | 4 | 19 | יט ויקח לו למך שתי נשים שם האחת עדה ושם השנית צלה |
1 Mose | 4 | 20 | כ ותלד עדה את יבל הוא היה--אבי ישב אהל ומקנה |
1 Mose | 4 | 21 | כא ושם אחיו יובל הוא היה--אבי כל תפש כנור ועוגב |
1 Mose | 4 | 22 | כב וצלה גם הוא ילדה את תובל קין--לטש כל חרש נחשת וברזל ואחות תובל קין נעמה |
1 Mose | 4 | 23 | כג ויאמר למך לנשיו עדה וצלה שמען קולי--נשי למך האזנה אמרתי כי איש הרגתי לפצעי וילד לחברתי |
1 Mose | 4 | 25 | כה וידע אדם עוד את אשתו ותלד בן ותקרא את שמו שת כי שת לי אלהים זרע אחר--תחת הבל כי הרגו קין |
1 Mose | 4 | 26 | כו ולשת גם הוא ילד בן ויקרא את שמו אנוש אז הוחל לקרא בשם יהוה {ס} |
1 Mose | 5 | 1 | א זה ספר תולדת אדם ביום ברא אלהים אדם בדמות אלהים עשה אתו |
1 Mose | 5 | 2 | ב זכר ונקבה בראם ויברך אתם ויקרא את שמם אדם ביום הבראם |
1 Mose | 5 | 3 | ג ויחי אדם שלשים ומאת שנה ויולד בדמותו כצלמו ויקרא את שמו שת |