Gefundene Einträge
Buch | Kapitel | Vers | Text |
5 Mose | 4 | 19 | יט ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם--אשר חלק יהוה אלהיך אתם לכל העמים תחת כל השמים |
5 Mose | 19 | 5 | ה ואשר יבא את רעהו ביער לחטב עצים ונדחה ידו בגרזן לכרת העץ ונשל הברזל מן העץ ומצא את רעהו ומת הוא ינוס אל אחת הערים האלה--וחי |
5 Mose | 20 | 19 | יט כי תצור אל עיר ימים רבים להלחם עליה לתפשה לא תשחית את עצה לנדח עליו גרזן--כי ממנו תאכל ואתו לא תכרת כי האדם עץ השדה לבא מפניך במצור |
5 Mose | 22 | 1 | א לא תראה את שור אחיך או את שיו נדחים והתעלמת מהם השב תשיבם לאחיך |
5 Mose | 30 | 4 | ד אם יהיה נדחך בקצה השמים--משם יקבצך יהוה אלהיך ומשם יקחך |
5 Mose | 30 | 17 | יז ואם יפנה לבבך ולא תשמע ונדחת והשתחוית לאלהים אחרים--ועבדתם |
2 Samuel | 14 | 13 | יג ותאמר האשה ולמה חשבתה כזאת על עם אלהים ומדבר המלך הדבר הזה כאשם לבלתי השיב המלך את נדחו |
2 Samuel | 14 | 14 | יד כי מות נמות--וכמים הנגרים ארצה אשר לא יאספו ולא ישא אלהים נפש וחשב מחשבות לבלתי ידח ממנו נדח |
2 Chronik | 26 | 20 | כ ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה |
Nehemia | 1 | 9 | ט ושבתם אלי--ושמרתם מצותי ועשיתם אתם אם יהיה נדחכם בקצה השמים משם אקבצם והבואתים (והביאתים) אל המקום אשר בחרתי לשכן את שמי שם |
Ester | 6 | 12 | יב וישב מרדכי אל שער המלך והמן נדחף אל ביתו אבל וחפוי ראש |
Hiob | 6 | 13 | יג האם אין עזרתי בי ותשיה נדחה ממני |
Psalm | 147 | 2 | ב בונה ירושלם יהוה נדחי ישראל יכנס |
Jesaja | 8 | 22 | כב ואל ארץ יביט והנה צרה וחשכה מעוף צוקה ואפלה מנדח [ (Isaiah 8:23) כג כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד--דרך הים עבר הירדן גליל הגוים ] |
Jesaja | 11 | 12 | יב ונשא נס לגוים ואסף נדחי ישראל ונפצות יהודה יקבץ מארבע כנפות הארץ |
Seite:
1 2