Gefundene Einträge
| Buch | Kapitel | Vers | Text |
| 1 Mose | 1 | 2 | ב והארץ היתה תהו ובהו וחשך על פני תהום ורוח אלהים מרחפת על פני המים |
| 1 Mose | 1 | 5 | ה ויקרא אלהים לאור יום ולחשך קרא לילה ויהי ערב ויהי בקר יום אחד {פ} |
| 1 Mose | 1 | 6 | ו ויאמר אלהים יהי רקיע בתוך המים ויהי מבדיל בין מים למים |
| 1 Mose | 1 | 7 | ז ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן |
| 1 Mose | 1 | 8 | ח ויקרא אלהים לרקיע שמים ויהי ערב ויהי בקר יום שני {פ} |
| 1 Mose | 1 | 11 | יא ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן |
| 1 Mose | 1 | 12 | יב ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב |
| 1 Mose | 1 | 13 | יג ויהי ערב ויהי בקר יום שלישי {פ} |
| 1 Mose | 1 | 14 | יד ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים |
| 1 Mose | 1 | 15 | טו והיו למאורת ברקיע השמים להאיר על הארץ ויהי כן |
| 1 Mose | 1 | 16 | טז ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים |
| 1 Mose | 1 | 17 | יז ויתן אתם אלהים ברקיע השמים להאיר על הארץ |
| 1 Mose | 1 | 19 | יט ויהי ערב ויהי בקר יום רביעי {פ} |
| 1 Mose | 1 | 20 | כ ויאמר אלהים--ישרצו המים שרץ נפש חיה ועוף יעופף על הארץ על פני רקיע השמים |
| 1 Mose | 1 | 21 | כא ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב |